Bankat amerikane fitojnë më shumë se sa ato evropiane

Bankat amerikane janë në epërsi në krahasim me homologet e tyre evropiane duke arritur fitime shumë më të mëdha se institucionet financiare në anën tjetër të Atlantikut.

Kështu thuhet në një studim të bërë nga EY kompani që merret me konsulencë biznisore, i cili është botuar sot në Frankfurt.

”Gjatë gjysmës së parë të vitit 2019, dhjetë bankat më të mëdha amerikane fituan së bashku më shumë se dyfishin e homologeve të tyre evropiane dhe ky hendek është duke u zgjeruar”, tha EY.

Vlerësuar në bazë të pronave, dhjetë institucionet më të mëdha financiare në Evropë, shpallën rreth 26.4 miliardë euro fitime për gjysmën e parë të këtij viti, gati 6 për qind më pak se një vit më parë.

Në anën tjetër, dhjetë bankat më të mëdha amerikane shpallën fitime prej gati 70 miliardë eurosh, duke u rritur me 0.6 për qind në gjysmën e parë të vitit 2018.

Vetëm banka JP Morgan arriti 16.6 miliardë euro fitime gjatë gjysmës së parë.

Pas krizës financiare të viteve 2007-2008, që arriti kulmin me falimentin e bankës Lehman Brothers, në shtator të vitit 2008, administrata amerikane futi fonde direkt në bankat e saj.

Bazuar mbi bursat, bankat amerikane vlejnë më shumë sesa homologet e tyre në Evropë. /KP/Telegrafi/