Autostrada Biennale prezanton filmin dokumentar dhe kuratoret e edicionit të katërt

Viti 2021 nuk ka qenë i lehtë për shumë njerëz në botë.

Megjithatë, për ne që punojmë në fushën e artit bashkëkohor, gjetja e mënyrave për të realizuar dhe ndarë punën tonë me publikun është kthyer në një formë rikuperimi dhe mbijetese.

Jemi të lumtur të ndajmë me juve filmin dokumentar i cili na kthen pas në punën tonë të madhe që e kemi bërë gjatë verës, e që e ka bërë të mundur edicionin Çka nëse një rrugëtim… Ne gjithashtu dëshirojmë t’ju njoftojmë me krenari se Autostrada Biennale do të vazhdojë të punojë me Övül Ö. Durmuşoğlu dhe Joanna Warsza si bashkë-kuratore të edicionit të 4-të i cili do të mbahet në vitin 2023.

Ne do të vazhdojmë ta ndërtojmë rrugën që kemi nisur bashkërisht. Edicioni i 3-të i Autostrada Biennale Çka nëse një rrugëtim…u mbajt me sukses në Prizren, Prishtinë dhe Pejë gjatë verës së vitit 2021. Ekspozita ishte e thurur rreth ndërveprimit midis një mikpritësi dhe një mysafiri – domethënë veprat e artit u realizuan kryesisht në vend nga bashkimi i forcave të brendshme dhe të jashtme të imagjinatës artistike, ekspertizës, njohurive dhe kërkimeve lokale, në vend që të transportohen nga jashtë. Ata i krijuan komunitetet e tyre brenda dhe përreth. Ne organizuam shumë biseda emocionuese dhe të vazhdueshme që mblodhën së bashku artistë, aktivistë, krijues, punonjës të kulturës, studiues vendas dhe ndërkombëtarë.

Ajo që e arritëm në këtë rrugëtim intensiv dhe të këndshëm e kemi përmbledhur në filmin dokumentar të ndarë më poshtë:

“Ne jemi shumë të kënaqur që po vazhdojmë të punojmë së bashku me Övül Ö. Durmuşoğlu dhe Joanna Warsza, pasi që e konsiderojmë shumë të rëndësishme vazhdimin e projekteve të hapura për të bërë hulumtime më të thella, në mënyrë që të kemi ndikim më të madh në shoqëri”.

Vatra Abrashi, Baris Karamuço dhe Leutrim Fishekqiu, bashkëthemelues të Autostrada Biennale.

“Rrugët tona u kryqëzuan me ekipin punëtor, të përkushtuar dhe bujar të Autostrada Biennale në kohën e duhur. Ne jemi mëse të lumtur që po e vazhdojmë këtë rrugëtim së bashku, për të parë se në cilat horizonte të reja ky rrugëtim do të na dërgoj.”– Övül Ö. Durmuşoğlu dhe Joanna Warsza, kuratore.

Edicioni i tretë i Autostrada Biennale është bërë e mundur me mbështetjen bujare dhe partneritetin e Zyra Zvicrane për Bashkëpunim ne Kosovë, Komuna e Prishtinës, European Cultural Foundation, Foundation of Art Initiatives, Komuna e Prizrenit, Ministria e Kulturës, Rinisë dhe Sportit, Manifesta 14 Prishtina, United Nations Kosovo Team, UNDP, KFOS, Raiffeisen Bank, Goethe Zentrum Prishtina, SAHA.