Autogoli i Bonuccit ia mohon fitoren e katërt radhazi Milanit (Video)

Milani ka lëshuar fitoren nga duart në udhëtim ndaj Udineses, pasi ka barazuar me rezultat 1-1 në ndeshjen e vlefshme për javën e 23-të të Serie A.

Skuadra e Gennaro Gattusos ishte gati të merrte fitoren e katërt radhazi në kampionat, por një autogol i shënuar prishi gjithçka.

Pjesa e parë e takimit i takoi Rossonerëve, të cilët edhe arritën të shënojnë një gol të shpejt.

Ishte anësori spanjoll, Suso, i cili shënoi një supergol nga një distancë prej rreth 30 metrave për të kaluar Milanin në epërsi 1-0 dhe me këtë rezultat shkuan në pushim.

Në pjesën e dytë, ndeshja u baraspeshua dhe ishin edhe mysafirët të cilët krijuan disa raste të mira për barazim.

Megjithatë, atë e arritën vetëm fal superioritetit numerik pasi mbrojtësi Davide Calabria i la pa një futbollist pas ndëshkimit me të kuq (69′).

Goli i barazimit për skuadrën e Udineses erdhi në minutën e 76-të ku pas një topi të harkuar në zonë, mbrojtësi Leonardo Bonucci e devijoi gabimisht duke shënuar në portën e vetë për 1-1.

Deri në fund të fund të takimit, skuadra vendasve u mundua disa herë të gjej golin e fitores, por Milani arriti mirë ta ruaj rezultatin dhe në fund barazuar me shifrat 1-1.

Pas këtij barazimi, Rossonerët renditen në pozitën e tetë me 35 pikë, ndërsa Udinese zë vendin e nëntë me 33 pikë.

Në gjiron e ardhme, skuadra e Gattusos udhëton drejt SPAL-it, ndërsa Udinese udhëton te Torino. /Telegrafi/

https://www.dailymotion.com/video/x6e88bs

https://twitter.com/Mzucchiatti95/status/960175138447781889