Atletico Madridi nxjerr në shitje Griezmannin për t’i liruar vendin Ronaldos

Atletico Madrid ka vendosur sulmuesin Antoine Griezmann në tregun e transferimeve si pjesë e një përpjekjeje për të rikthyer Cristiano Ronaldon në La Liga.

Ronaldo ka deklaruar në fillim të muajit se dëshiron të largohet nga Manchester Unitedi për të luajtur përsëri në Ligën e Kampionëve.

Shumë klube janë lidhur me yllin portugez, ndërsa skuadra e fundit është ajo spanjolle, Atletico Madridi.

Lexo po ashtu Sa do të fitonte Ronaldo në sekondë, minutë, orë, ditë dhe javë nëse pranon ofertën marramendëse nga Arabia Saudite

Megjithatë, klubi spanjoll duhet të krijojë hapësirë ​​në faturën e pagave për të përshtatur pagën e Ronaldos.

Sipas mediumit The Times, javën e kaluar Atletico Madridi i ofroi Griezmannin disa skuadrave, përfshirë Paris Saint-Germain, për t’i liruar vendin portugezit.

I nënshkruar nga Barcelona në një transferim prej 120 milionë eurosh në vitin 2019, Griezmann u kthye te Atletico verën e kaluar.

Lexo po ashtu Cristiano Ronaldo i gatshëm të marrë një ulje të konsiderueshme page për t’u larguar nga Man Utd

31-vjeçari është në mes të një marrëveshje huazimi për dy sezone që përfshin një “klauzolë të detyrueshme të transferimit të përhershëm” prej 40 milionë euro.

Paris Saint-Germain janë përpjekur të largojnë lojtarët e tyre të mbi-paguar dhe me performancë të dobët, përfshirë Neymarin, por thuhet se nuk janë të interesuar të marrin Griezmann. /Telegrafi/