Arsyeja pse duhet t’i pastroni gjithmonë rrobat që sapo i keni blerë

Herën tjetër kur blini rroba të reja, hidhni menjëherë për pastrim, pasi nuk rekomandohet që t’i vishni ato menjëherë pasi t’i keni blerë.

Ju duhet të keni pak durim dhe t’i vendosni në lavatriçe përpara se t’i vendosni në trup dhe arsyet janë të shumta.

Shumë persona mund t’i kenë veshur në dhomën e zhveshjes  

Arsyeja e parë është mjaft e qartë: shumë njerëz e kanë veshur artikullin në dyqan dhe ndoshta ka pasur disa njerëz para jush e kanë provuar atë.

Për shkak të kësaj, rrobat ndoten shumë shpejt, pasi ato mbulohen me djersën dhe bakteret e disa njerëzve të ndryshëm. Përveç kësaj, ka shumë njerëz që i hedhin rrobat në dysheme kur janë në dhomën e zhveshjes, që do të thotë se rrobat kanë qenë në dyshemenë e ndotur dhe me pluhur kur i vishni.

Kimikatet

Arsyeja më e madhe pse duhet të lani rrobat tuaja të reja është për shkak të substancave kimike me të cilat trajtohen rrobat.

Prodhuesit i përdorin këto kimikate për t’u siguruar që rrobat të mos rrudhen aq shumë kur janë në rrugën e tyre nga fabrika për në dyqane dhe gjithashtu ndihmon për të zmbrapsur parazitët në bordin e anijes ose kamionit të përdorur për transportin e rrobave. Këto kimikate mund të shkaktojnë acarim mjaft të keq për lëkurën tuaj!

Irritimi

Keni lëkurë të ndjeshme? Atëherë duhet të lani gjithmonë rrobat e reja, sepse ato mund të përmbajnë formaldehid, i cili mund të shkaktojë njolla të kuqe dhe skuqje. Rrobat gjithashtu mund të kenë një erë kimike rreth tyre.