Arsenali solli sot vetëm lojtarin e dytë nga Italia në histori: Shumë pak e mbajnë mend të parin

Futbollistët nga Italia kanë lënë gjurmë të thella në futbollin anglez, por Arsenali në historinë e tij ka pasur vetëm një lojtar në fushë që vjen nga ky vend.

Sot, kjo ka ndryshuar. Jorginho, përfaqësuesi i Italisë, zëvendësoi gjigantët londinez dhe mbërriti nga Chelsea në Arsenal, ku i duhet të forcojë konkurrencën në skuadrën që do titullin kampion.

Mirëpo, tifozët e Arsenalit u befasuan nga informacioni se në historinë e klubit vetëm një futbollist italian ka veshur fanellën e Topçinjve, pa përfshirë portierët. Ndryshe nga Chelsea, ku futbollistët e shumtë italianë lanë gjurmë të thella dhe u bënë legjenda, Arsenali nuk u besoi kurrë lojtarëve të këtij vendi.

Welcome to The Arsenal, Jorginho 👊 pic.twitter.com/jHXqAUBKKQ

— Arsenal (@Arsenal) January 31, 2023

Vetëm një italian ka luajtur për Arsenalin përpara Jorginhos dhe pak tifozë, ndoshta më fanatikët, mund ta mbajnë mend emrin e tij.

Është Arturo Lupoli, një sulmues që bëri disa paraqitje për Arsenalin në sezonin 2005/2006, pasi u largua nga akademia e të rinjve të klubit.

Ai mbërriti në Arsenal në vitin 2003 nga akademia e të rinjve të Parmës, ku dëshmoi se ishte një golashënues vrasës. Ai vazhdoi të shkëlqejë në shkollën e futbollit të Arsenalit, ku shënoi 45 gola në 23 ndeshje.

Ky ishte rekomandimi për ta transferuar në ekipin e parë, i cili në atë kohë përbëhej nga yje të mëdhenj si Thierry Henry, por italiani nuk u imponua. Ai kaloi periudha të shumta huazimi përpara se të kalonte pjesën më të madhe të karrierës së tij në ligat e ulëta italiane.

Lexo po ashtu Jorginho zyrtarizohet si lojtar i Arsenalit

Ndoshta ai është edhe arsyeja pse Arsenali nuk u mbështet te lojtarët nga Italia.

Është interesante se Arsenali ka pasur më shumë portierë italianë në historinë e tij sesa futbollistë në fushë. Ndryshe nga Lupoli, i cili ishte i vetmi në fushë, ata kishin dy portierë: Vito Mannone dhe Emiliano Viviano. /Telegrafi/