Arsenali pas Barkleyt

Arsenali do t’i bashkohet garës për shërbimet e Ross Barkley, nëse mesfushori i Evertonit vihet në shitje këtë verë.

Menaxheri o Evertonit, Ronald Koeman, tha javën e kaluar se 22-vjeçari do të shitet nëse ai nuk nënshkruan një kontratë të re.

Barkley – i thirrur nga menaxheri i Anglisë, Gareth Southgate, në skuadër për ndeshjet e këtij muaji kundër Gjermanisë dhe Lituanisë – do të ketë vetëm një sezon të mbetur në marrëveshjen e tij aktuale në fund të këtij sezoni.

Lexo po ashtu Chelsea e gatshme të paguajë 100 milionë për dyshen e Evertonit

Ai ka ngecur për nënshkrimin e një kontrate të re, dhe kjo i ka alarmuar klubet që e pëlqejnë  si Tottenham dhe liderët aktual të Ligës Premier, Chelsean, që kanë pyetur për disponueshmërisë së tij të mundshme.

Por, në rast largimi në verë, Arsenali mund të shtohet në listën e skuadrave që kërkojnë transferimin e tij, përcjell Telegrafi.

Topçinjtë janë të shkurtër dhe një lojtar i gjatë dhe i fortë si Barkley në mesfushë do të ishte një shtesë ideale për klubin e Arsene Wenger.

Lexo po ashtu Tifozët e Arsenalit të ndarë, përdorin aeroplanët për të përkrahur dhe protestuar drejt Wengerit (Foto/Video)

Everton do ta lë të lirë të largohet dhe presion t’i fitojnë së paku 10 milionë funte për të këtë verë, pasi në të kundër, ata mund të mos marrin asgjë nëse lejojnë që kontrata e tij të skadojë.

Barkley dhe Koeman kanë një marrëdhënie të vakët, me menaxherin holandez që ndjen se lojtari anglez është i aftë për të kontribuar më shumë për ekipin. /Telegrafi/