Arsenali arrin marrëveshje të plotë me Ajaxin për transferimin e Jurrien Timber

Arsenali thuhet se ka arritur një marrëveshje të plotë me Ajaxin për të nënshkruar me mbrojtësin Jurrien Timber.

Sipas gazetarit të Athletic, David Ornstein, Arsenali kanë rënë dakord për një tarifë fillestare prej 40 milionë eurosh plus 5 milionë euro tjera bonuse kryesisht të arritshme.

Mbrojtësit 22-vjeçar i është dhënë leja për t’iu nënshtruar testeve mjekësore dhe për të përfunduar marrëveshjen mbi kushtet personale.

🚨 Arsenal have now reached full agreement with Ajax to sign Jurrien Timber. Negotiations completed on fee of €40m + €5m in largely realistic bonuses. 22yo defender granted permission to undergo medical & finalise personal terms @TheAthleticFC #AFC #Ajax https://t.co/naU6G9Yj0r

— David Ornstein (@David_Ornstein) July 5, 2023

Arsenali paraqiti një ofertë prej 35 milionë eurosh për Timber muajin e kaluar, të cilën Ajax e kundërshtoi.

Gjigantët holandezë po kërkonin një tarifë më të lartë për një lojtar që i kanë mbetur edhe dy vjet për të përfunduar kontratën e tij.

Timber u paraqit 34 herë në Eredivisie vitin e kaluar në atë që ishte një sezon zhgënjyes për Ajaxin, duke shënuar dy herë dhe duke regjistruar dy asistime.

Qendërmbrojtësi, i cili mund të operojë edhe si mbrojtës i djathtë, ka luajtur edhe 15 herë për Kombëtaren e Holandës. /Telegrafi/