Arsenal-Mustafi, të rejat e fundit

Do të jenë dy shqiptarët që sezonin e ardhshëm do të luajnë me Arsenalin edhe pse asnjëri prej tyre nuk përfaqëson Shqipërinë në rang Kombëtaresh.

Pas transferimit të Granit Xhakës këtë verë, është Shkodran Mustafi ai që mund të konsiderohet si blerja më e re e skuadrës së drejtuar nga Arsene Wenger. Lajmi vjen nga Gjermania ku rrjeti SkySport ka bërë të ditur se është arritur akordi mes anglezëve, Valencias dhe vetë mbrojtësit.

Akordi besohet se është arritur në këmbim të shumës së 30 milionë eurove për kartonin e Shkodran Mustafit që pritet dëshpërimisht te Topçinjtë për ti dhënë fund krizës së skuadrës angleze në mbrojtje.

Lexo po ashtu Lajmet e fundit rreth Shkodran Mustafit

Media të ndryshme britanike bëjnë të ditur se Arsenali po kërkon ta marrë Musfatin para se të përballet me Liverpoolin në ndeshjen hapëse të sezonit të Ligës Premier këtë të diele.

Topçinjtë duan ta involvojnë 24-vjeçarin sa më shpejt në mënyrë që ai të zbresë në fushë për tu përballur me skuadrën e Jurgen Klopp. Shkodran Mustafi në këtë mënyrë mund të sigurohet si përforcimi i katërt i Arsenalit këtë verë, pas transferimeve të Granit Xhakës, Takuma Asano dhe Rob Holding