Arrihet marrëveshja mes Milanit dhe Chelseat për Pulisicin

Milani ka arritur marrëveshje me Chelsean për Christian Pulisic dhe sulmuesi amerikan do të kryej testet mjekësore në fundjavë.

Klubet kishin qenë tashmë afër një marrëveshjeje gjatë dy ditëve të fundit dhe ata shtrënguan duart për marrëveshjen këtë mbrëmje.

Fabrizio Romano, Sky Sport Italia, Sportitalia, Calciomercato.com dhe shumë media të tjera raportojnë të njëjtën gjë, se testet mjekësore po planifikohen gjatë fundjavës.

Besohet se kostoja e transferimit do të jetë 20 milionë euro duke përfshirë shtesat dhe bonuset e lidhura me performancën.

Pulisic ishte në vitin e fundit të kontratës së tij në Stamford Bridge dhe tashmë e kishte bërë të qartë pozicionin e tij, duke refuzuar një propozim më fitimprurës nga Lyoni.

24-vjeçari u ble nga Borussia Dortmund në vitin 2019 për një shumë masive 64 milionë euro, por kurrë nuk e përmbushi atë shumë që u pagua për të.

Ai shënoi 26 gola dhe dha 21 asistime në 145 ndeshje konkurruese për blutë.

Ai bëhet lojtari i dytë i Chelseat që i bashkohet Milanit këtë verë pas Ruben Loftus-Cheek, i cili kushtoi 16 milionë euro plus 5.5 milionë euro të tjera bonuse. /Telegrafi/

Christian Pulisic to AC Milan, here we go! Deal in place between clubs as Chelsea accepted conditions of final bid. 🔴⚫️🇺🇸 #ACMilan

Personal terms agreed weeks ago as the player only wanted Milan — pushing for this new chapter.

Medical/travel being scheduled. pic.twitter.com/E49z8U4dVB

— Fabrizio Romano (@FabrizioRomano) July 7, 2023