Arrestohet Zdravko Saveski nga “E majta”, ftesa për në MPB edhe për anëtarë tjerë të partisë

Sot në mëngjes, anëtari i presidiumit të “E majta” – dr. Zdravko Saveski është ftuar në bisedë informative në stacionin policor „Prolet “ (Kisela Vodë), pas të cilës është arrestuar dhe do të dërgohet para prokurorit publik dhe gjykatësit në procedim para hetimor, me kërkesë për caktim të masës paraburgim, bëjnë të ditur nga “E majta”, transmeton Telegrafi Maqedoni.

„Bëjmë me dije që edhe tre anëtarëve tjerë të partisë tonë në funksione të larta udhëheqëse u kanë arritur ftesa për bisedë informative! Ngjarjet për të cilat ngarkohen janë të lidhura me protestat të cilat i inicioi Lëvizja “Protestoj”, të cilët u zhvilluan në të ashtuquajturin Revolucion laraman, të cilat filluan pas vendimit të turpshëm dhe kundërligjor të presidentit të RM. Anëtarët tonë kanë qenë dhe do të jenë në radhët e para të protestave.

Për ne, pas paralajmërimeve të këtilla të javës së kaluar nga disa përkrahës të regjimit, kjo është një përpjekje e dëshpëruar e pushtetit kriminel për ti qëruar llogaritë me partinë tonë, dhe përpjekje për shuarjen e protestave kundër regjimit me anë të frikësimit.

Për këtë arsye “E majta” për sot ka paralajmëruar konferencë  për shtyp, me fillim në ora 13:00 para Gjykatës Penale në Shkup, në të cilën do të flasin përfaqësuesit e presidiumit të “E majta”./Telegrafi/