Arne Slot: Dua ta përfundoj këtë gjysmë sezoni sa më fort që të jetë e mundur

Trajneri i Liverpoolit, Arne Slot, ka bërë thirrje për fokus dhe vendosmëri pasi Reds synojnë të mbyllin fuqishëm gjysmën e parë të sezonit 2024/25.

Liverpooli ka shkëlqyer deri tani këtë sezon, duke udhëhequr tabelën në Ligën Premier dhe Ligën e Kampionëve dhe kjo i ka bërë ata të cilësohen si pretendentë kryesor në dy garat.

Megjithatë, trajneri i Reds, Slot i ka bërë thirrje futbollistëve të tij të mos ‘humbin toruan’ dhe të jenë të përqendruar fillimisht në mbylljen e sezonit vjeshtor në mënyrën më të mirë të mundshme.

‘You have my word’ – Arne Slot’s Christmas message to supporters 💬🎄

— Liverpool FC (@LFC) December 25, 2024

“Ne jemi ende në gjysmën e parë të sezonit, por po i afrohemi pikës ku të gjithë do të kenë luajtur gjysmën e ndeshjeve të tyre dhe ky është një moment kur ne do të kemi një ide më të qartë se ku jemi të gjithë”, ka thënë fillimisht Slot.

“Kjo është arsyeja pse unë kam thënë vazhdimisht se gjykimet para kësaj faze nuk janë një përfaqësim i vërtetë. Vetëm kur çdo skuadër të ketë luajtur me njëri-tjetrin dhe luhatjet e formës dhe fatit të kenë barazuar vetveten, ne do të fillojmë të kuptojmë më mirë si po performojmë të gjithë”.

“Për këtë arsye – dhe shumë të tjera përveç kësaj – dua ta përfundoj gjysmën e parë të sezonit sa më fort që të jetë e mundur”, përfundoi trajneri holandez.

Përpara ndeshjes kundër Leicester City në Anfield, Liverpooli ka katër pikë më shumë se Chelsea i vendit të dytë dhe mburret me një rekord perfekt të Ligës së Kampionëve dhe është në gjysmëfinalet e Carabao Cup. /Telegrafi/