Këngëtarja e njohur shqiptare, Arilena Ara, ka treguar gjithmonë një simpati të veçantë për palestrën.
Ajo është shumë e përkushtuar në ushtrimet e fitnesit bashkë me të dashurin e saj, ku si rezultat kanë arritur që të kenë secili nga një trup perfekt.
Së fundmi, ka qenë Arilena ajo e cila ka publikuar në rrjetin social Instagram një fotografi, ku shfaq trupin e saj të tonifikuar në palestër.
Nga vija trupore dhe formësimi i muskujve, duket se këngëtarja shkodrane ka bërë një punë mjaft të madhe që të arrijë deri në këtë linjë.
Pëlqimet dhe komentet kanë qenë të shumta, me shumë prej fansave që e kanë përgëzuar për arritjen e këtij qëllimi.
Arilena përndryshe ishte paraparë që të përfaqësonte Shqipërinë këtë vit në “Eurovision”, në qoftë se nuk do të anulohej si shkak i pandemisë globale COVID-19.
“Shaj” mban titullin kënga shqiptare e cila u prit mjaft mirë, ndërsa në versionin anglisht u konvertua në “Fall from the sky”. /Telegrafi/
