Arifi: Lugina e Preshevës historikisht ka bërë përpjekje të jetë brenda Kosovës (Video)

Kryetari i Preshevës, Shqiprim Arifi, ka theksuar se historikisht shqiptarët e Luginës së Preshevës kanë synuar që të bashkohen me Kosovën.

Arifi, në një intervistë për Telegrafin, ka thënë se dëshirën e shqiptarëve të Luginës që të jenë pjesë e Kosovës është dëshmuar më së miri në Referendumin e vitit 1992, ku në mënyrë plebishitare shqiptarët e shpalosën këtë synim.

“Asnjëherë nuk është hequr dorë nga ky qëndrim, por çdo herë kemi qenë të kujdesshëm dhe duhet të jemi, që në asnjë rast të mos dëmtohet Kosova”, ka thënë ai.

Sipas tij, liderët politikë të Luginës së Preshevës janë në kontakt të vazhdueshëm me institucionet dhe liderët politikë në Kosovë.

“Ne nuk duam ta dëmtojmë Kosovën, por njëkohësish nuk pranojmë as zgjidhje të cilat janë parciale për atë pjesë. Unë jam që të bëhet real politikë, e cila bazohet në mundësitë reale për të bërë zgjidhje”, tha Arifi. /Telegrafi/