Antonio Conte kërkon garanci në Inter

Trajneri i Interit, Antonio Conte thuhet se dëshiron garanci nga pronarët e Suning Group përpara nisjes së sezonit të ardhshëm.

Conte ka qenë i interesuar për të ardhmen e tij në Giuseppe Meazza, edhe nëse kontrata e tij skadon në qershor të vitit 2022.

Ish-tekniku i Juventusit i dha fund dominimit të Bianconerëve në Itali duke ndihmuar Interin të fitojë Scudetton e tyre të parë në 11 vjet, por raportet në Itali pretendojnë se Conte mund të mos qëndrojë për sezonin e ardhshëm.

Lexo po ashtu Conte: Interi më besoi mua dhe e gjeti rrugën te triumfi

Trajneri ka thënë se ai do të vendosë për të ardhmen e tij kur të vijë koha e duhur.

“Le ta shijojmë këtë moment, do të ketë kohë për të biseduar së bashku, me Presidentin dhe drejtorët, për të zgjedhur rrugën për Interin”, ka thënë Conte.

Lexo po ashtu Conte me premtim për tifozët e Interit

Sipas gazetës Tuttosport, Conte dëshiron të kuptojë nëse plani i urgjencës i studiuar nga Suning varet nga pasiguria që mbretëron rreth kërkimit të partnerëve të rinj ose nëse plani i zvogëlimit nuk do të ketë përjashtime.

Është e qartë se heqja dorë nga fitimi prej 13.5 milionë eurosh në sezon do të ishte një goditje e rëndë për Conten, por trajneri dëshiron të kuptojë qartë planin dhe strategjitë për të ardhmen e klubit dhe mbi të gjitha nga pronarët, tani që Scudetto ka ardhur. /Telegrafi/