Tifozët e Atletico Madrid do të shkojnë në punë mëngjesin e së hënës, pasi ekipi që përkrahin ka fituar vetëm derbin e dytë ndaj Real Madridit, që prej ndërtimit të stadiumit të ri.
Për këtë u shpreh i lumtur edhe Antoine Griezmann, i cili foli për mediat pas përfundimit të ndeshjes.
“Dhe nesër, shkoni në shkollë duke mbajtur veshur fanellën e Atleticos, fëmijë”, u shpreh francezi.
Kjo fitore ishte e mirëseardhur për Atleticon, pasi ishin pa fitore paraprakisht në dy ndeshjet e fundit.
Ata humbën 3-0 ndaj Valencias dhe pësuan në minutën e 95-të në Ligën e Kampionëve ndaj Lazios ku gol kishte shënuar portieri Ivan Provedel.
Ky triumf bën që Atletico të mbetet vetëm pesë pikë mbrapa Real Madridit me një ndeshje më pak të zhvilluar.
Pengesa e radhës për Atletico Madrid do të jetë ekipi i Osasunas, me përballjen që do të zhvillohet ditën e enjte me fillim nga ora 21:30./Telegrafi/
