Anonymous kanë mbyllur 20 për qind të pornografisë së fëmijëve në internet (Foto)

Grupi i hakerëve Anonymous, që punojnë në mënyrë vullnetare për pastrimin e dukurive të këqija në internet, i kanë mbyllur shumë ueb-faqe që merreshin me pornografi fëmijësh.

Ata i kanë nxjerrë nga sistemi mbi dhjetëmijë platforma, që shisnin apo shpërndanin materiale, ku shiheshin të vegjlit në skena të ndryshme komprometuese, transmeton Telegrafi.

Janë mbyllur edhe ueb-faqe që kishin përmbajtje të paligjshme si dhe një treg virtual për shitjen e drogave të ndryshme që quhej Rruga e Mëndafshtë.

Që nga fundjava e kaluar, Anonymous i kanë shuar shumë programe që nuk kishin asnjë ndalesë për pornografinë e fëmijëve dhe u shërbenin ekskluzivisht pedofilëve.

Nga rrjetet që kishin këto përmbajtje, janë rrjedhur të dhënat e shitësve dhe blerësve potencial, në mënyrë që hetuesit të kenë evidenca se kush furnizon dhe të tjerët që janë të interesuar për këto  filmime.

Mirëpo, deri në mbylljen totale së të ashtuquajturit rrjet i errët i pornografisë, duhet të bëhet shumë punë sepse materialet janë të shumta. /Telegrafi/