Anglia në finale të Kampionatit Evropian për herë të parë në histori, fiton në vazhdime ndaj Danimarkës

Anglia ka shkuar në finale të Kampionatit Evropian për herë të parë në histori, duke e mposhtur Danimarkën pas vazhdimeve me rezultat 2-1.

Fillimi i ndeshjes ishte i barabartë me të dy skuadrat që provuan të gjejnë hapësira në mbrojtjet kundërshtare, duke bërë lojë të kujdesshme.

Përveç disa gjysmërasteve, rrjetat heshtën deri në minutën e 30-të, momente kur Danimarka ishte më e mirë në lojë.

Goli i parë në ndeshje erdhi po në minutën e 30-të të takimit, kur i riu Mikkel Damsgaard shënoi nga goditja e dënimit mbi 25 metra (1-0).

https://www.youtube.com/watch?v=aocarbm3ZV0

Ky ishte goli i parë nga gjuajtja e lirën në këtë Euro 2020 dhe një nga më të bukurit në këtë kampionat.

Por Anglia nuk u dorëzua dhe filloi të rrezikojë më shumë.

Fillimisht rast të mirë kishte Raheem Sterling në minutën e 38-të, por goditja e tij nga brenda zonës u prit nga portieri danez.

Por sulmet e shumta iu shpërblyen në minutën e 39-të, kur pasimin e Bukayo Saka e ktheu në portën e tij Simon Kjaer, në tentim për ta larguar topin (1-1).

https://www.youtube.com/watch?v=xi30IFVBZ40

Në minutat e mbetura Anglia kishte më shumë nga loja, por danezët të gatshëm gjithmonë për kundërsulme.

Rastin e parë në pjesën e dytë e kishte Kasper Dolberg që gjuajti fort,, por priti portieri.

Pas tij provoi Harry Maguire me kokë në minutën e 55-të, por Kasper Schmeichel   bëri pritje të madhe për ta ruajtur portën.

Në minutën e 75-të ishte një moment në zonën e danezëve ku anglezët kërkuan penallti, por pas rishikimit në VAR, u vendos që nuk kishte dicka të tillë.

Deri në fund nuk kishte më raste dhe ndeshja shkoi në vazhdime.

Anglia ishte më e mirë në vazhdime duke provuar të krijojë raste. E kjo iu shpërblye kur Raheem Sterling u pengua në zonë pas një depërtimi në minutën e 112-të dhe gjyqtari drejtoi gishtin nga 11-metërshi.

Edhe pse danezët reaguan, vendimi nuk u ndryshua.   Harry Kane huqi nga penalltia fillimisht, por nga topi i kthyer shënoi për 2-1.

https://www.youtube.com/watch?v=2djHS9ZvesQ

Në vazhdimin e dytë të dy skuadrat edhe pse provuan nuk arritën të shënonin, duke bërë që Anglia të kalojë në finale të Euro 2020.  /Telegrafi/