Anglia merr një fitore spektakolare ndaj Irlandës, pikët e plota i mori edhe Greqia

Kombëtarja e Anglisë ka marrë një fitore të thellë me rezultat 5-0 ndaj Irlandës në kuadër të Ligës së Kombeve.

Në fakt që të gjithë golat e realizuar në këtë takim nga ‘Tre Luanët’ erdhën në pjesën e dytë të ndeshjes.

Fillimisht për rezultatin 1-0 u përkujdes Harry Kane (53’) i cili realizoi nga penalltia të cilën e fitoi Jude Bellingham.

Vetëm disa minuta më vonë, Anglia dyfishoi epërsinë duke gjetur golin kësaj radhe përmes Antony Gordon (56’) i cili realizoi për 2-0.

🏴󠁧󠁢󠁥󠁮󠁧󠁿 pic.twitter.com/NLlrBRf2VQ

— England (@England) November 17, 2024

Kjo nuk ishte e tëra, pasi vendasit shënuan edhe një herë tjetër me anë të Conor Gallagher (58’) për rezultatin 3-0.

Dy golat e fundit i realizuan të inkuadruarit në pjesën e dytë, Jarrod Bowen (76’) për 4-0 dhe Taylor Harwood-Bellis (79’) për 5-0.

Në anën tjetër fitore po ashtu mori edhe Greqia të cilët fituan me rezultat 2-0 në udhëtim ndaj Finlandës.

Anastasios Bakasetas realizoi për 1-0 në minutën e 52-të, teksa golin e dytë e realizoi Christos Tzolis në minutën e 56-të për 2-0.

Kështu tashmë dihet se Anglia e ka përfunduar këtë cikël të Ligës së Kombeve si lidere e grupit me 15 pikë, po aq sa ka edhe Greqia në pozitën e dytë, por ‘Tre Luanët’ kishin goldallimin më të mirë./Telegrafi/