Angelina Jolie duket tejet simpatike me flokë kaçurrela në shfaqjen e filmit “Maria”

Angelina Jolie ka bërë debutimin e saj me një model flokësh kaçurrelë në shfaqjen e filmit të saj të ri “Maria”, e cila u mbajt gjatë AFI Fest në Los Angeles të shtunën.

49-vjeçarja ka qenë në qendër të vëmendjes për ‘Oscar’ që nga publikimi i trailerit të filmit të saj për Netflix.

Në “Maria”, Angelina luan rolin e këngëtares legjendare të operës, Maria Callas, gjatë periudhës së saj të fundit në Paris në vitet 1970, shkruan DailyMail.

Filmi është drejtuar nga Pablo Larrain, i njohur për filmin “Jackie”.

Në këtë ngjarje, Angelina magjepsi fansat me flokët e saj voluminozë, të cilat e rikthenin atë në stilin e viteve 1980.

Ndryshe nga flokët e saj biondë dhe të drejta që ka pasur në ngjarjet e fundit, tani ajo kishte kaçurrela luksoze në një nuancë kafe të errët.

Për tapetin e kuq, Angelina vesh një fustan të artë që reflektonte dritat, duke e bërë atë të dallohej.

Ajo e përfundoi dukjen me një mbështjellës të zi me mëngë, duke i dhënë asaj një pamje elegante dhe sofisticuar.

Buzëkuqi dhe vathët e perlat i shtuan shkëlqim pamjes së saj.

Kjo dalje erdhi dy ditë pas publikimit të trailerit të ri për “Maria”, i cili ka shkaktuar shumë reagime pozitive nga fansat. /Telegrafi/