Zyrtare: Elvir Gashijan prezantohet te Llapi
Llapi ka vazhduar me përforcime,derisa ka prezantuar talentin Elvir Gashijan.
16-vjeçari ka nënshkruar kontratë dy vjeçare me Llapin me opsion vazhdimi edhe për një vit tjetër.
Ka qenë drejtori sportiv i Llapit, Mentor Zhdrella që ka prezantuar afrimin e talentit të madh kosovar.
Njoftimi i plotë i klubit:Kemi kënaqësin t'iu njoftojmë se kemi arritur marrëveshje 2-vjeçare me opsion vazhdimi edhe për një vit tjetër me njërin prej mesfushorëve më të talentuar në Kosovë, 16-vjeçarin, Elvir Gashijan.Gashijan ishte pjesë e KF 2 Korriku, tek i cili ekip ka luajtur për tri kategoritë: Senior, Junior dhe Kadet.Në prani të Drejtorit të ri Sportiv, Mentor Zhdrellës, Gashijan ka bërë hapin e radhës në karrierën e tij duke firmosur kontratë profesionale me Llapin.Ani pse Gashijan ishte i vërshuar nga ofertat e shumta nga ekipet e Superligës sonë dhe atyre nga rajoni, sulmuesi i krahut të djathtë ka pranuar ofertën e klubit tonë si më bindësen për zhvillimin dhe avancimin e tij në karrierë.Elvir Gashijan ka pasur statistika të jashtëzakonshme me 2 Korrikun në edicionin që sapo lamë pas:Me ekipin senior: 15 ndeshje, 812' minuta të luajtura, 3 asistime, 3 penalti të fituaraMe ekipin junior: 11 ndeshje, 815' minuta të luajtura, 5 gola, 5 asistimeMe ekipin kadet: 9 ndeshje, 731' minuta të luajtura, 7 gola, 8 asistime.KF Llapi i dëshiron mirëseardhje yllit tonë të ri si dhe i dëshiron suksese dhe paraqitje sa më të mira për fanellën tonë, ndërsa publiku duhet të pres pak kohë për ta shijuar magjinë e tij në edicionin e ri. /Telegrafi/