Njëri ndër lojtarët më të përfolur në eSports, Tyson “TenZ” Ngo ka marrë në shtëpi një tjetër trofe, por këtë herë nuk ishte për Valorant.
Lojtari i Sentinels fitoi çmimin Lojtari i Vitit në organizimin Streamer Awards 2023.
Streamer Awards është një shfaqje çmimesh kushtuar transmetuesve të drejtpërdrejtë, ajo u themelua në vitin 2022 nga transmetuesi i Twitch QTCinderella.
Shfaqja e organizuar në kanalin Twitch të QTCinderella u ndoq nga një mesatare prej 300.000 shikuesish së bashku me një audiencë të drejtpërdrejtë.
Përveç TenZ në garë për çmimin Lojtari i Vitit ishin edhe Tarik “tarik” Celik, Brandon “aceu” Winn dhe Timothy “iiTzTimmy” An, të gjithë këta emra të njohur për komunitetin e eSports.
Lojtari 21 vjeçar së pari doli në skenë në video-lojën CS:GO, për të kaluar më pas në Valorant pas lansimit të saj.
Ngjarja Streamer Awards u mbajt me datën 11 mars në Los Angeles. /Telegrafi/