Vetura godet një fëmijë në Pejë, policia jep detaje
27/04/2025
Një aksident trafiku ka ndodhur të dielën në rrugën "Wesley Clark" në Pejë, ku një veturë ka goditur një fëmijë.
Fëmija i lënduar është dërguar menjëherë në emergjencën e Spitalit Rajonal të Pejës për trajtim mjekësor.
Lajmin e ka konfirmuar për media zëdhënësi i Policisë për rajonin e Pejës, Driton Rugova.
“Sot rreth orës 12:55, Policia është njoftuar për një aksident trafiku i cili ka ndodhur në rrugën ‘Wesley Clark’ në Pejë. Në këtë aksident ishin të involvuara një veturë dhe një këmbësor (fëmijë). Si pasojë e aksidentit, këmbësori ka pësuar lëndime trupore dhe është dërguar në emergjencën e Spitalit Rajonal në Pejë për tretman mjekësor”, tha Rugova.
Ende nuk dihet gjendja e fëmijës, ndërsa Policia po merret me hetimin e rastit./Telegrafi/