Van Gaal: Të marrim shembull Atleticon

Ekipi i Diego Simeones fitoi La Ligan dhe luajti në finale të Ligës së Kampionëve, duke u bërë konkurrencë serioze dy klubeve më të mira spanjolle, Real Madrid dhe Barcelona.

Dhe strategu holandez preferon të zhvillojë lojën e Rojiblancos në Brazil – me mbrojtje të fortë, lojë me presion dhe shpirt luftarak.

“Mendoj se Atletico mund të jetë një shembull për Holandën”.

“Kur po e shikonim finalen e Ligës së Kampionëve, u thash lojtarëve të mi: E kuptoni pse stërvitemi katër me katër? Dua që lojtarët e mi të jenë agresivë në lojën me presion”, u ka thënë Van Gaal gazetarëve. /Telegrafi/