Mbrojtësi i Liverpoolit, Virgil van Dijk ka thënë se ata nuk mund të merren me eliminimin nga Liga e Kampionëve nga Atletico Madridi, por duhet të shikojnë përpara.
Liverpooli u mposht në Anfield nga Atletico Madridi me rezultat 3-2 dhe u eliminuan nga Liga e Kampionëve me rezultat të përgjithshëm 4-2.
Eliminimi nga gara ku janë fitues aktual ka bërë që Reds të rikthejnë vëmendjen tek Liga Premier, ku duan t’i japin fund sa më shpejt pritjes 30-vjeçare.
Ata mund t’i afrohet më afër këtij qëllimi të hënën, kur ata udhëtojnë për t'u përballur me rivalët lokal të Evertonit në Goodison Park.
Ylli i skuadrës, Van Dijk ka thënë që ekipi duhet tani të përqendrohet në kampionat dhe ta fitojë titullin e Ligës Premier.
“Tani ne duhet të përqendrohemi në Ligën Premier”, ka thënë fillimisht Van Dijk.
Van Dijk godet kritikët që thonë se Liverpooli do ta mbyll sezonin vetëm me titullin e Ligës Premier
“Ne kthehemi përsëri të hënën dhe të gjithë duhet të jenë të gatshëm për një lojë tjetër intensive dhe ne do të jemi gati”.
“Të gjithë duan të luajnë ato lloj ndeshjes, unë dua të luajmë ato lloj ndeshjes dhe le të shkojmë atje dhe të shijojmë dhe të mos harrojmë pse ne jemi 25 pikë para në krye të tabelës”, përfundoi holandezi. /Telegrafi/