01/04/2024
Forcat ruse assesi të mësojnë nga gabimet, pasi sërish kanë hedhur gabimisht dy bomba në rajonin rus – duke u bërë kështu gabimi i 16-të i këtij lloji në dy javët e fundit.
Ushtria e Vladimir Putinit ka bombarduar rajonin e tyre – duke rritur kështu brengën në Kremlin për paaftësinë e ushtrisë ruse, transmeton Telegrafi.
Më 31 mars, forcat ajrore ruse kanë hedhur gabimisht dy bomba FAB-500 mbi rajonin e Belgorodit që gjendet pranë kufirit Rusi-Ukrainë.
Ky është incidenti i 16-të i këtij lloji në dy javët e fundit që është regjistruar në ushtrinë ruse.
Njëra nga bombat ka rënë në afërsi të Nina, derisa tjetra krijoi një krater të madh në fshatin Kryukovo. /Telegrafi/