Ujësjellësi në Mitrovicë zhvillon punime, paralajmëron ndërprerje të përkohshme të furnizimit me ujë të pijes në disa lokacione
12/12/2024
Kompania Rajonale e Ujësjellësit “Mitrovica” ka njoftuar se gjatë ditë së sotme do të ketë punime.
Këto punime do të bëhen në rrjetin e ujësjellësit dhe kanalizimit, shkruan Telegrafi.
Si shkas i këtyre punimeve, është paralajmëruar ndërprerje e përkohshme e furnizimit me ujë të pijes në lokacionet ku zhvillohen punimet.
Punimet në rrjetin e ujësjellësit do të bëhen në sheshin “Isa Boletini”, në rrugët "Rifat Dedia" – Koloni, "Ali Pash Tepelena", “Muhamet Gashi" dhe në fshatrat Lipë e Shupkovc.
Ndërsa, në rrjetin e kanalizmit intervenime do të ketë në rrugët "Xhemajl Haxha","Rifat Dedia" dhe “Fadil Smajli”. /Telegrafi/