UFC pezullon Conor McGregorin për 18 muaj
UFC ka pezulluar yllin më të madh të MMA-së, Conor McGregor, për 18 muaj.
Arsyeja është fakti që irlandezi dështoi të raportonte vendndodhjen e tij për kontrolle të rastësishme dopingu tri herë në vitin 2024.
Lajmi u konfirmua zyrtarisht nga organizata Anti-Doping e Sporteve Luftarake (CSAD), 13 muaj pas dështimit të fundit të regjistruar.
Sipas vendimit të CSAD, McGregor do të jetë në gjendje të hyjë përsëri në oktagon vetëm nga 20 marsi 2026.
Breaking: Conor McGregor has accepted an 18-month period of ineligibility for a violation of the UFC Anti-Doping Policy (UFC ADP), Combat Sports Anti-Doping announced on Tuesday.
McGregor missed three attempted biological sample collections within a 12-month period in 2024,… pic.twitter.com/L4QHsIXrL7
— ESPN MMA (@espnmma) October 7, 2025
Kjo datë vjen afërsisht tre muaj para ngjarjes së paralajmëruar që supozohet të zhvillohet në Shtëpinë e Bardhë, në të cilën McGregor dëshiron të performojë, gjë që ai e konfirmoi së fundmi.
Si kujtesë, McGregor u ndesh për herë të fundit katër vjet më parë kundër Dustin Poirier, kur theu këmbën. /Telegrafi/