Një turist është arrestuar pasi dyshohet se ka hyrë në një gurore dhe ka vjedhur një "buldozer" gjatë pushimeve në Spanjë.
Sipas mediave të huaja, përcjell Telegrafi, 26-vjeçari thuhet se përmbysi automjetin përpara se të vraponte drejt një shtëpie aty pranë, i mbuluar me gjak, për të kërkuar ndihmë.
Fotot tregojnë një makineri prej 25 tonësh duke u ngjitur në buzë të një vendi të pjerrët në Palma, Majorca.
Ai u arrestua nga policia e cila tha se ishte me fat që ishte gjallë.
Përveç një hetimi penal, turisti, i cili ishte gjerman, tani mund të përballet me një faturë të rëndë për kompensim.
Nuk është ende e qartë se çfarë po përpiqej të bënte me makinën, një Fiat Hitachi W270, megjithëse burimet thanë se dyshonin se ai mund të kishte ndërmend ta dërgonte në hotelin e tij. /Telegrafi/