Tritol veturës së inspektores të arsimit
11/10/2017
Makinës së një inspektoreje të Drejtorisë Rajonale të Arsimit në Shkodër iu vu lëndë plasëse, por motivet të cilat ende nuk dihen. Automjeti ishte i parkuar pranë pallatit ku banonte 60-vjeçarja, në qendër të qytetit.
Nga shpërthimi janë shkaktuar vetëm dëme materiale në pjesën e pasme të makinës, ku dhe është vendosur tritoli.
Zjarrfikëset kanë shuar flakët brenda pak minutash, ndërsa policia sekuestroi pamjet e kamerave të sigurisë në zonë për të identifikuar autorët. /Telegrafi/