11/07/2021
Gareth Southgate ishte personi me qetësinë më të madhe kur Anglia shënoi ndaj Italisë në finale të Euro 2020.
Tre Luanët patën një start që ndoshta nuk e kishin menduar as në ëndërr, duke kaluar në epërsi pas vetëm dy minutash lojë.
Në Wembley Stadium janë aktualisht prezent rreth 60 mijë shikues, derisa festa ishte e gjitha për tifozët e Anglisë.
Kirean Trippier asistoi për Luke Shaw, që me një goditje volej, mposhti Gianluigi Donnarumman pas vetëm dy minutash lojë.
Southgate e duartrokiti me qetësi atë gol të anëtarit të Manchester United, derisa të tjerët kishin shpërthyer në festë.
Kujtojmë se Anglia nuk e ka fituar asnjëherë Kampionatin Evropian, ndërsa sonte janë një hap më afër realizimit të ëndrrës. /Telegrafi/