Toshkovski: Policia punon edhe të dielave, kryhet një aksion lidhur me kontrabandën e automjeteve luksoze

Ministri i Punëve të Brendshme, Pançe Toshkovski, sot në mëngjes ka vizituar zyrtarët policorë në Njësinë për punë të brendshme në Gjorçe Petrov, ku është njoftuar me rrjedhën e aksionit që po e kryen sot nga pjestarë të policisë në koordinim me departamentin kriminalistik.

“Aksioni ka për qëllim shuarjen e një grupi të organizuar kriminal që merret me kontrabandën e mjeteve të shtrenjta motorike, falsifikimin e dokumenteve dhe shpërdorimin e pozitës zyrtare, për të cilin mëngjesin e sotëm janë kryer kontrolle në disa lokacione. Ne vazhdojmë të luftojmë kundër të gjitha formave të krimit, sepse qytetarët e Maqedonisë meritojnë të jetojnë në një vend stabil dhe të sigurt”, theksoi ministri Toshkovski.