Marcus Rashford është shfaqur për stërvitjet parasezonale të Manchester United në formën më të mirë të karrierës së tij përpara një edicioni të ri.
24-vjeçari pati vështirësi sezonin e kaluar dhe shënoi vetëm pesë gola në të gjitha garat - statistika i tij më i ulët që nga debutimi në vitin 2016.
Rashford humbi vendin e tij nga Anthony Elanga dhe ai madje e gjeti veten jashtë kombëtares angleze të Gareth Southgate.
Me trajnerin e ri të United, Erik ten Hag dhe Kupën e Botës vetëm pesë muaj larg, Rashford e di se është në një udhëkryq.
Sulmuesi është pjesë e turneut veror të United dhe skuadra mori pjesë në një seancë të hapur stërvitore në Bangkok këtë mëngjes.
Rashford dukej dukshëm më i zhvilluar dhe ai ka punuar qartë në fizikun e tij në pushim.
Muajin e kaluar, ai postoi një video të regjimit të tij të stërvitjes në Instagram dhe mbishkrimin e tij: "3 seanca dhe ndihem mirë pas një pushimi të mrekullueshëm me njerëz të mrekullueshëm. Kthehemi në punë".
United përfundoi në vendin e gjashtë në Ligën Premier dhe do të luajë në Ligën e Evropës sezonin e ardhshëm, derisa shpresojnë që të rikthehen sa më parë në Ligën e Kampionëve. /Telegrafi/