Shefi ekzekutiv i RB Leipzig, Oliver Mintzlaff, ka thënë se nuk është shqetësuar se klubi mund ta humbë Timo Wernerin, përkundër interesimit të vazhdueshëm të Liverpoolit.
Sulmuesi gjerman ka pasur një sezon mbresëlënës me 27 gola të shënuar në 36 paraqitje, prandaj ka joshur interesimin e shumë klubeve të mëdha.
Vet lojtari nuk e ka hedhur poshtë mundësinë që t’u bashkohet Redsave, por Mintzlaff beson se ai do të qëndrojë në Bundesliga edhe për disa vite.
“Jam shumë i qetë lidhur me Werner. Ai ende nuk ka dhënë sinjale se dëshiron të largohet në fund të sezonit dhe nuk ka nevojë të largohet”.
“Ai ka kontratë deri në vitin 2023”, ka deklaruar Mintzlaff në një prononcim për Sky Sports Germany.
24-vjeçari ka akoma kohë për ta provuar veten, ndërsa sezoni i ardhshëm do të ishte ideal për të luajtur në një ligë tjetër. /Telegrafi/