Sportistët nga Kosova mund të marrin pjesë në Lojërat Evropiane në Bjellorusi pa viza?
Bjellorusia po mendon t’i heqë vizat gjatë periudhës kur në këtë vend do të mbahen Lojërat Evropiane, në vitin 2019, shkruan zeri.info.
Propozimi është diskutuar gjatë mbledhjes së mbajtur nga Komiteti Nacional Olimpik i Bjellorusisë në Minsk, i cili ka propozuar që gjatë 10-12 ditëve sa do të mbahen garat të hiqen vizat për ekipet pjesëmarrëse dhe për turistët që mund t’i sjellin të hyra vendit nga ish-Bashkimi Sovjetik.
Mbetet të shihet nëse në këtë listë të lirimit nga vizat do të përfshihet edhe Kosova, edhe pse vendin tonë nuk e ka pranuar si shtet ende Bjellorusia.
Sportistët nga Kosova kanë hasur vazhdimisht në vështirësi për t’u pajisur me viza, mbi të gjitha në vendet që nuk e njohin Kosovën. Të kujtojmë se Nora Gjakova kishte fituar medalje në “Baku 2015”. /Zëri/