Spektakël në Chase Center, Clippers mposhtin edhe Warriorsat për startin perfekt në NBA
Los Angeles Clippers ka marrë fitoren e dytë këtë edicion në NBA.
Skuadra nga Kalifornia ka triumfuar në udhëtim te Golden State Warriors me rezultat të thellë 122:141.
Warriors debutuan në palestrën Chase Center, por pa arritur t'i bëjnë ballë lojës ofensive të Clippers.
Shtatë basketbollist të mysafirëve arritën pikë dyshifrore përballë Warriors.
Lou Williams me 22 pikë ishte më efikasi në këtë sfidë, derisa shtoi edhe tre kërcime e tetë asistime
Paraqitje fantastike pati edhe Kawhi Leonard me 21 pikë, pesë kërcime e nëntë asistime.
Tek vendasit më efikasit ishin dyshja Curry - Russell me 23 pikë, respektivisht 20, por që nuk mjaftuan për fitore.
Ndërkohë ndeshje shumë interesante është zhvilluar Toyota Center të Houstonit, ku Rockets kanë pësuar humbje nga Milwaukee Bucks me gjashtë pikë diferencë 111:117.
Russell Westbrook ishte më efikasi te vendasit me 24 pikë, 16 kërcime e shtatë asistime, ndërsa James Harden e përfundoi ndeshjen me 'Double-double' prej 19 pikëve e 14 asistimeve.
Tek skuadra fituese më efikasi ishte MVP i vitit të kaluar Giannis Antetokounmpo me 'Triple-double'.
Reprezentuesi grek shënoi 30 pikê pati 13 kërcime e 11 asistime.
Ndërkohë basketbollisti i dytë më efikas tek Bucks ishte Wesley Mathews me 14 pikë. /Telegrafi/