Sot është Dita e ARM-së
18/08/2016
Me rastin e 18 gushtit, ditës së ARM-së, kryetari Gjorge Ivanov dhe ministri i mbrojtjes Zoran Jolevski, sot do të mbajnë një fjalim në manifestimin qendrorë që do të mbahet në Ministrinë e mbrojtjes, transmeton Telegrafi Maqedoni.
Këtë vit, Dita e ARM-së shënohet në mënyrë simbolike, për shkak të ngjarjeve tragjike të vërshimeve, ku jetën e humbën 23 persona. Ushtarët e ARM-së janë të angazhuar në asistimin e sanimit të gjendjes së krijuar pas përmbytjeve.
Përndryshe, më 18 gusht të vitit 1943 në malin Sllavej në Debarcë, u formua batalioni ''Mirçe Acev'', që konsiderohet si formacioni i parë ushtarak i LNÇ-së të Maqedonisë. Kjo ditë konsiderohet si ditëlindja e ARM-së./Telegrafi/