Soja ndikon te fertiliteti mashkullor
03/09/2008
Në një studim të ri janë përfshirë 99 çifte të cilët kanë pasur probleme për të pasur fëmijë. Meshkujt nga këto çifte kanë dhënë mostrat e spermës dhe kanë mbushur një formular ku kanë treguar për ushqimet të cilat i kanë konsumuar në tre muajt e fundit.
Rezultatet kanë treguar se numri i spermatozoideve te personat të cilët kishin konsumuar sojën kishte qenë më i vogël, megjithatë ky numër prapëseprapë kishte qenë në kufij të normales.
Për këtë arsye shkencëtarët rekomandojnë se nuk është i nevojshëm ndryshimi i shprehisë ushqyese deri sa të ketë fakte shkencore për ndikimin negativ të sojës në fertilitet.