Sinani: Ky 28 Nëntor i bëri bashkë shqiptarët e Luginës në një atmosferë të ngrohtë

Kryetarja e Komunës së Preshevës, Ardita Sinani, ka ndarë disa fotografi në Facebook nga festa e organizuar për nder të 28 Nëntorit në këtë komunë.

Në postimin e saj, Sinani theksoi se shqiptarët sot janë më të bashkuar se kurrë.

“Përmbyllja e festës së Flamurit në Luginën e Preshevës. Ky 28 Nëntor i bëri bashkë shqiptarët e Luginës në një atmosferë të ngrohtë, festive dhe të mbushur me krenari kombëtare.”

Ajo shtoi se ky moment është simbol i forcës së bashkimit dhe dashurisë për flamurin kuq e zi.

“Ky moment i përbashkët na rikujton forcën e bashkimit dhe dashurinë e pashuar për flamurin kuq e zi,” përfundoi Sinani në postimin e saj.