Shtime - pezullohen përkohësisht shërbimet në Qendrën për Regjistrim të Automjeteve
28/12/2020
Ministria e Punëve të Brendshme, respektivisht Agjencia për Regjistrim Civil njofton qytetarët e komunës së Shtimes se janë pezulluar përkohësisht shërbimet për palë në Qendrën për Regjistrim të Automjeteve në këtë komunë.
Në njoftimin e bërë për media nga MPB thuhet se arsyeja e këtij pezullimi është për shkak të dyshimit të infektimit me COVID-19 të njërit prej zyrtarëve të ARC-së në Shtime, punonjës në QRA.
"Shërbimet për palë do të kryhen në QRA-të e regjionit", thuhet në njoftim.
Tutje në njoftim thuhet se qytetarët e komunës së Shtimes do të informohen me kohë se kur do të rifillojë puna me këtë shërbim. /Telegrafi/