Pas raportimeve të shumta për bombardimin mbi centralin më të madh bërthamor në Evropë në Zaporizhzhia të Ukrainës, ka reaguar Shtëpia e Bardhë.
Nga Uashingtoni kanë bërë thirrje për një zonë demilitarizimi përreth këtij centrali të shumëpërfolur bërthamor, transmeton Telegrafi.
Shtëpia e Bardhë i ka bërë thirrje Rusisë që të pajtohet për një zonë demilitarizimi përreth Zaporizhzhia, në mënyrë që të shmanget një katastrofë bërthamore.
Zëdhënësi i Këshillit për Siguri Kombëtare pranë Shtëpisë së Bardhë, John Kirby, ka deklaruar se administrata e presidentit Joe Biden mbështet vizitën e udhëhequr nga një grup ekspertësh nga Agjencia Ndërkombëtare Atomike IAEA në Zaporizhzhia.
Madje sipas tyre një fikje e kontrolluar e këtij centrali bërthamor, do të ishte opsioni më i sigurt në këto momente të vështira. /Telegrafi/