Shtatë të lënduar në aksident komunikacioni në Polac të Skenderajt
18/08/2021
Shtatë persona janë lënduar në një aksident komunikacioni sot pasdite në Polac të Skenderajt, ku janë përfshirë dy vetura.
Lajmin e ka konfirmuar Avni Zahiti, zëdhënës i policisë për rajonin e Mitrovicës.
“Aksident trafiku me të lënduar është shkaktuar rreth orës 16:00, në rrugë rajonale Skenderaj-Drenas përkatësisht në segmentin rrugor në fshatin Polac. Në aksident ishin të përfshira dy vetura, si pasojë e aksidentit dhe lëndimeve të pësuara shtatë (7) persona kanë kërkuar tretman mjekësor”, ka thënë Zahiti. /Telegrafi/