Bordi i ShSKUK-së ka marrë sot vendim për shkarkimin e drejtorit të përgjithshëm Basri Sejdiu.
Bordi i SHSKUK-së, ka konfirmuar shkarkimin e drejtorit Sejdiu përmes një komunikate për media.
Në njoftimin e bërë nga SHSKUK thuhet se shkarkimi i Sejdiut vjen si pasojë e performancës jo të kënaqshme dhe mos përmbushjes së detyrave të punës.
“Bordi Drejtues i Shërbimit Spitalor dhe Klinik Universitar të Kosovës, njofton se në mbledhjen e mbajtur sot, me 6 korrik 2020, ka marrë vendim ta shkarkoj nga detyra dr. Basri Sejdiun drejtor i përgjithshëm i Shërbimit Spitalor dhe Klinik Universitar të Kosovës. Shkarkimi vjen si pasojë e performancës jo të kënaqshme dhe mos përmbushjes së detyrave të punës”, thuhet në njoftim.
Po ashtu është bërë e ditur që në vend të Sejdiut ushtrues detyre i drejtorit është caktuar Valbon Krasniqi, mjek specialist i infektologjisë./Telegrafi/