Serwer: BE-ja dhe SHBA-të ta ftojnë Maqedoninë në NATO
18/05/2017
Njohësi i çështjeve ballkanike, Daniel Serwer, ka folur para Kongresit amerikan për situatën në Ballkan dhe në Maqedoni, përcjell Telegrafi Maqedoni.
Sipas tij, delegimi i lidershipit të SHBA-ve në duar të BE-së për Ballkanin nuk ka kaluar pa ndonjë dështim, duke shtuar se në Bosnjë e Hercegovinë, Kosovë, Serbi dhe Maqedoni ka rreziqe jostabiliteti që mund të shkaktojnë trazira dhe se kjo do të ndikojë keq në rolin e lidershipit global për SHBA-të.
Daniel Serwer kërkon që BE-ja dhe SHBA-të t'i thonë Greqisë së ''IRJM-ja'' do të ftohet në NATO pasi që të rivendosë një qeverisje demokratike, transparente dhe të përgjegjshme. Diskutimin e tij të plotë e gjeni në këtë vegëz./Telegrafi/