Maurizio Sarri është deklaruar pas fitores 1-0 të Juventusit ndaj Tornios në kuadër të javës së 11-të në Serie A.
Trajneri i Zonjës së Vjetër ka thënë se dëshironin ta mbyllnin ndeshjen para kohe, mirëpo që rivali lokal ua vështirësoi punët.
“Ishte një ndeshje e vështirë dhe ishim në dijeni se Torino do të na shkaktonte probleme që nga fillimi”, ka thënë Sarri pas ndeshjes.
“Ne nuk zhvilluam lojë të bukur, Kjo gjë ndodhi shkaku që kundërshtari na imponoi lojën e tyre dhe ne nuk arritëm që të zhvillonim aksione të shpejta”.
“Kjo nuk ishte njëra nga ndeshjet më të mira edhe pse tentuam disa herë që ta kthenim atë në favorin tonë. Ishte një fitore e vështirë, por që duhet të jemi të kënaqur me këto tri pikë”, ka shtuar më tej trajneri i Juves.
Juventusi në javën e 12-të do të jetë nikoqir i Milanit, e që do të jetë një takim aspak i lehtë në letër. /Telegrafi/