20/03/2013
Në testin krahasues të bërë nga specialistët e Primate Labs shihet se rezultatet e Samsung Galaxy S 4 janë mbresëlënëse, për të mos ekzagjëruar më shumë me fjalët.
Sipas testit të shpejtësisë së Geekbench, Samsung Galaxy S 4 ka marrë 3,163 pikë, krahasuar me 1,596 sa ka shënuar iPhone 5.
Rezultatet e Primate Labs tregojnë se modeli më i ri i Galaxy S4 ka performanca më të mira edhe se modelet tjera të famshme të telefonave, duke përfshirë edhe HTC One, Google Nexus 4, dhe versioni paraprak i telefonit të kompanisë, Galaxy S III.
Tabela më poshtë tregon rezultatet e Galaxy S 4, krahasuar me telefonat tjerë të avancuar, të cilët janë testuar nga Primate Labs.
