Sulmuesi i Juventusit, Cristiano Ronaldo ka thënë se askush në klub nuk është i lumtur pas humbjes së tyre 1-0 ndaj Lyon në Ligën e Kampionëve.
Zonja e Vjetër u kritikua për paraqitjen e tyre në ndeshjen e parë në Francë, me Juve që nuk arritën të regjistrojnë të paktën një goditje të vetme në kuadrat, që është hera e parë që nga viti 2006.
Ronaldo ka folur për Sky Sport Italia për ndeshjen e parë, por edhe atë ndaj Interit në fundjavë.
“Këto gjëra mund të ndodhin, është futboll. Ne nuk jemi të lumtur që kemi humbur, por është normale".
"Ndeshjet e Ligës së Kampionëve janë të gjitha të vështira, jemi të zhgënjyer por kemi ndeshjen e dytë në shtëpi dhe kemi besim”.
"Ne mund të ndryshojmë rezultatin dhe të kualifikohemi, por qëllimi jonë tani është të fitojmë ndeshjen tjetër dhe pastaj vjen Liga e Kampionëve”.
"Jemi të qetë, të përqendruar dhe të përgatitur për ndeshjen tjetër kundër Interit", ka thënë Ronaldo. /Telegrafi/