Roma e ka suspenduar zyrtarisht drejtorin sportiv, Gianluca Petrachi, ndërsa shefi ekzekutiv, Guido Fienga, do t’i drejtojë përkohësisht bisedimet lidhur me transferimet.La Gazzetta dello Sport dhe Sky Sport Italia kishin raportuar më herët lidhur me këtë rast që tashmë është konfirmuar nga Giallorossët.
“AS Roma konfirmon se sot (e enjte) e ka suspenduar Gianluca Petrachin nga detyrat e tij si drejtor sportiv me efekt të menjëhershëm”.
“Trajneri dhe ekipi do të udhëhiqen drejtpërdrejt nga shefi ekzekutiv i klubit, Guido Fienga”, thuhet në njoftimin e Romës.
Ky është hapi i fundit në prishjen e raportove ndërmjet Petrachit dhe presidentit James Pallotta që kishin nisur me një zënkë telefonike në javën e kaluar.
Suspendimi pritet të shoqërohet me shkarkim, në mënyrë që klubi italian të mos ia paguajë drejtorit sportiv pagat nga pjesa e mbetur e kontratës, e cila është valide deri në qershor të vitit 2020. /Telegrafi/