Rita Ora është kujdesur që ta vjedhë spektaklin në evenimentin e Capital FM, 'Jingle Bell Ball'.
Gjatë parakalimit në tepihun e kuq, këngëtarja shqiptare me famë botërore ka bërë që gjithë fokusi i fotoreporterëve dhe të pranishmëve të jetë tek ajo.
Për këtë eveniment, 29-vjeçarja kishte zgjedhur një fustan që ia vinte në pah linjat e admirueshme trupore.
Fustanin, i cili ia ekspozonte trupin në disa pjesë, bukuroshja nga Kosova e kishte kombinuar edhe me këpucë që i përshtateshin veshjes së saj.
"Jam shumë e gëzuar, sepse kur nuk je vetëm në skenë, mund të festosh me të gjithë dhe është fundi i vitit, ashtu që nuk ka presion", ka deklaruar Rita me rastin e arritjes në këtë eveniment.
Shqiptarja e famshme iu është bashkuar emrave të njohur, si Liam Payne, Harry Styles e Jax Jones, në natën e parë të 'Jingle Bell Ball' të Capital FM në O2 Arena të Londrës. /Telegrafi/