Rënia e rublës, dëshmi e efektit të sanksioneve
01/12/2014
Komisioneri i zgjerimit të BE-së ka thënë sot se rënia e rublës ruse, është dëshmi se saknsionet e perëndimit karshi Moskës për shkak të veprimeve të saj në Ukrainë, kanë pasur efekt.
Komisioneri Johannes Hahn, i ka bërë këto komente sot në Bruksel në ditën kur rubla ruse ka pësuar humbje prej 8 për qind.
Hahn ka thënë gjatë një konference për shtyp se kjo është më shumë se një dëshmi për ndikimin e saknsioneve të vendosura.
“Unë shpresoj që kjo do të ndikojë që Rusia të bëjë hapin e parë drejt normalizimit të situatës”, ka thënë Hahn.
Rubla ruse ka pësuar një humbje prej më shumë se 40 për qind gjatë këtij viti, kryesisht për shkak të sanksioneve ndërkombëtare. /Telegrafi/